paksahafat پاک صحافت
Related Articles
پاک صحافت بھارت میں ایک انتہائی دل دہلا دینے والا واقعہ پیش آیا جس میں والدین نے کینسر کے مرض میں مبتلا بچے کو علاج کی کوشش کے دوران گنگا میں ڈبو دیا اور بچہ جان کی بازی ہار گیا۔
بھارتی میڈیا کی رپورٹس کے مطابق یہ واقعہ اتراکھنڈ میں پیش آیا جہاں خون کے کینسر میں مبتلا 5 سالہ بچے کی ماں نے بے وقوفی سے بچے کی جان لے لی، یہ سوچ کر کہ اس کے مقدس پانیوں میں ڈبو کر بیماری دور ہو جائے گی۔ گنگا
دریائے گنگا کو ہندو سماج مقدس مانتا ہے اور اسے مذہبی حیثیت حاصل ہے، اس کی پوجا بھی کی جاتی ہے۔
بچے کے والدین دہلی سے اتراکھنڈ کے شہر ہریدوار گئے تھے اور ان کے ساتھ ایک خاتون رشتہ دار بھی تھی۔ بچے کی حالت تشویشناک تھی۔ خاندان جس گاڑی میں سفر کر رہا تھا اس کے ڈرائیور نے بتایا کہ والدین نے کہا تھا کہ دہلی میں اس کا کوئی علاج نہیں ہے۔
عینی شاہدین کا کہنا ہے کہ والدین کافی دیر تک بچے کو گنگا میں ڈبوتے رہے، بچے نے ہاتھ کے اشارے سے مدد بھی مانگی، جب والدین باز نہ آئے تو وہاں موجود دیگر افراد نے بچے کو زبردستی باہر نکالا جس پر والدین غصے میں آگئے۔
پولیس کے پہنچنے کے بعد بچے کو اسپتال لے جایا گیا لیکن تب تک وہ دم توڑ چکا تھا۔
سوشل میڈیا پر وائرل ہونے والی ویڈیو میں بچے کی خالہ اس کے پاس بیٹھی ہیں اور کہہ رہی ہیں کہ انہیں یقین ہے کہ بچہ زندہ ہو جائے گا۔
پولیس نے مقدمہ درج کر کے تفتیش شروع کر دی ہے۔
