paksahafat پاک صحافت
Related Articles
پاک صحافت روس کا کہنا ہے کہ اگرچہ دنیا پر مغرب کا تسلط ختم ہوچکا ہے لیکن وہ اب بھی ممالک کا استحصال کرنے میں مصروف ہے۔
روس کے وزیر خارجہ سرگئی لاوروف کا کہنا ہے کہ بالادستی کے خاتمے کے باوجود مغرب اب بھی ملکوں کے استحصال میں مصروف ہے۔
افریقی براعظم کے جنوب میں واقع ملک ایسواتینی میں خطاب کرتے ہوئے روسی وزیر خارجہ نے کہا کہ مغربی رہنما جہاں بھی جاتے ہیں، وہ اثر و رسوخ اور دباؤ ڈالنے کی کوشش کرتے ہیں۔
انہوں نے کہا کہ مغرب والوں نے دنیا پر بالادستی قائم کرنے کی تربیت دی ہے۔ انہوں نے کہا کہ اس وقت دنیا میں مغرب کا غلبہ ختم ہوچکا ہے اور اس وقت دنیا کثیر قطبی بن رہی ہے۔
روسی وزیر خارجہ سرگئی لاوروف نے برکس ممالک کے بارے میں کہا کہ وہ اتفاق رائے سے فیصلے کرتے ہیں اور نیٹو اور یورپی یونین سے بہت مختلف ہیں۔ ماسکو کی جانب سے افریقی براعظم میں یورپی یونین کے مفادات کو نقصان پہنچانے کی کوششوں پر مبنی بیان پر ردعمل دیتے ہوئے روسی وزیر خارجہ نے کہا کہ اس طرح کے بیانات کھلا پروپیگنڈا ہیں۔
واضح رہے کہ اس وقت یوکرین کے معاملے پر مغرب بالخصوص امریکا اور یورپی یونین اور روس کے درمیان شدید اختلافات پائے جاتے ہیں۔ روس کا کہنا ہے کہ مغرب نیٹو کو مشرق کی طرف پھیلانے کی کوشش میں یوکرین کو بھاری مقدار میں ہتھیار فراہم کر رہا ہے۔
