8.1 C
Pakistan
منگل, نومبر 30, 2021

بی جے پی، بی ایس پی کے کام کو اپنا کام بتا رہی ہے: مایاوتی

نئی دہلی {پاک صحافت} بہوجن سماج پارٹی کی سربراہ اور اتر پردیش کی سابق وزیر اعلیٰ مایاوتی نے کہا ہے کہ بھارتیہ جنتا پارٹی اور سماج وادی پارٹی اپنی حکومت کے کاموں کو اپنا کام قرار دے رہی ہیں۔

بی ایس پی سربراہ نے کہا کہ ریاست میں کسی پارٹی کی حکومت نے اتنا کام نہیں کیا جتنا انہوں نے اپنی چار حکومتوں کے دوران کیا ہے۔ انہوں نے کہا کہ آج حالت یہ ہے کہ اپنے کئے ہوئے کاموں کے نام بدل کر ایس پی اور بی جے پی اپنا کام بتا رہی ہیں۔

بی ایس پی سربراہ نے کہا کہ ان کی پارٹی نے انتخابی منشور جاری کیے بغیر ریاست میں چار بار حکومت بنائی ہے اور وہ انتخابی منشور پر یقین نہیں رکھتی بلکہ حکومت سازی پر کام کرکے دکھاتی ہے۔

لکھنؤ میں ایک پریس کانفرنس سے خطاب کرتے ہوئے انہوں نے ایک فولڈر جاری کیا۔ انہوں نے کہا کہ اس فولڈر میں ان کے وزیر اعلیٰ کے دور میں ریاست میں ہوئے ترقیاتی کاموں کی تفصیلات دی گئی ہیں اور ساتھ ہی یہ بھی بتایا گیا ہے کہ بی ایس پی کی حکومت بننے پر اسی طرح کے ترقیاتی کام کرائے جائیں گے۔

اتر پردیش کے سابق وزیر اعلیٰ نے کہا کہ بی ایس پی کارکن ریاست کے ہر ضلع اور گاؤں میں اس فولڈر کو پہنچائیں گے اور مایاوتی کی حکومت میں ریاست میں کیے گئے اہم کاموں کے بارے میں لوگوں کو بتائیں گے۔

واضح رہے کہ بی ایس پی نے اگلے سال ہونے والے اتر پردیش کے اسمبلی انتخابات اکیلے لڑنے کا فیصلہ کیا ہے۔

Related Articles

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

four × five =

Latest Articles