paksahafat پاک صحافت
Related Articles
نئی دہلی (پاک صحافت) بھارت میں پولیس کا کہنا ہے کہ چندی گڑھ میں برطانوی ڈپٹی ہائی کمیشن میں تعینات ایک خاتون سفارت کار کو مبینہ طور پر جنسی زیادتی کا نشانہ بنایا گیا۔
ہندوستان ٹائمز کی رپورٹ کے مطابق مقدمہ درج کر لیا گیا ہے ، پولیس نے ملزمان کی تلاش شروع کر دی ہے۔ پولیس میں درج شکایت کے مطابق ، 60 سالہ سفارت کار ، جنہوں نے اس سال فروری میں اپنا عہدہ سنبھالا تھا ، نے بتایا کہ یہ واقعہ اس وقت پیش آیا جب وہ صبح 6.30 بجے اپنی رہائش گاہ سے نکلتے ہوئے چندی گڑھ لائن ٹینس ایسوسی ایشن کی طرف چل رہے تھے۔
خاتون سفارت کار نے الزام لگایا کہ وہ ہوٹل ماؤنٹ وییو کے قریب چورنگی کے آس پاس موجود تھی جب ایک شخص اپنی موٹر سائیکل پر آیا اور اسے ہراساں کیا۔
ہائی کمیشن کے ترجمان نے میڈیا کو بتایا کہ ہم اس بات کی تصدیق کر سکتے ہیں کہ حکومتی شکایت درج کرائی گئی ہے اور پولیس کی تفتیش جاری ہے۔
چندی گڑھ کے سینئر سپرنٹنڈنٹ کلدیپ سنگھ نے بتایا کہ مقدمہ درج کر لیا گیا ہے ، ٹیمیں علاقے میں نصب سی سی ٹی وی کیمروں کا معائنہ کر رہی ہیں ، ملزم کو جلد گرفتار کر لیا جائے گا۔
