paksahafat پاک صحافت
Related Articles
اسلام آباد (پاک صحافت) شیری رحمان کا کہنا ہے کہ ہم اقتدار میں اس لیے نہیں آئے تھے کہ دہشت گردی سر اٹھائے۔
تفصیلات کے مطابق وفاقی وزیر موسمیاتی تبدیلی شیری رحمان نے کہا ہے کہ ہمیں علم نہیں دہشت گردوں سے کس طرح سمجھوتہ کیا جاتا ہے۔ یہ تو شرپسند بھی نہیں یہ مذہب کو استعمال کرتے ہیں۔ پیپلزپارٹی نے تو کہا تھا پاکستان کے باشندوں سے مذاکرات ہوسکتے ہیں۔ جہاں آپریشنز ہورہے ہیں ہمیں اعتماد میں لیا جائے اور بتایا جائے کدھر کدھر ہورہا ہے۔
شیری رحمان کا مزید کہنا ہے کہ 18 اکتوبر کے زخم نہیں بھولیں، اے پی ایس پر کیا ہوا۔ کالعدم ٹی ٹی پی سر اٹھا رہی ہے، ان کے غیر مسلح ہونے کے ثبوت دیں ہمیں۔ انہوں نے مطالبہ کیا کہ بلوچستان کے لیے ٹروتھ اینڈ ری کنسلی ایشن کمیشن بنایا جائے۔ انہوں نے کہا کہ ہم اقتدار میں اس لیے نہیں آئے تھے کہ دہشت گردی سراٹھائے۔ ہمارے دور میں سوات آپریشن شروع ہوا تھا۔ انسانی حقوق کے معاملات پر آگے بڑھیں، پارلیمنٹ کے پاس اختیارات ہیں۔
