paksahafat پاک صحافت
Related Articles
اسلام آباد (پاک صحافت) مریم اورنگزیب کا کہنا ہے کہ پی ٹی آئی نے اب تک صرف الزام، گالی اور تقسیم کی سیاست کی ہے۔
تفصیلات کے مطابق وفاقی وزیر اطلاعات مریم اورنگزیب نے پریس کانفرنس سے خطاب کرتے ہوئے کہا ہے کہ پی ٹی آئی نے اپنے دور حکومت میں کوئی منصوبہ نہیں لگایا اور آج سیاسی عدم استحکام پھیلانے کی کوشش کررہے ہیں۔ 2018ء سے لے کر 2022ء تک ایک پروپیگنڈا گروہ ملک پر مسلط تھا۔
مریم اورنگزیب کا مزید کہنا تھا کہ پی ٹی آئی سیاسی جماعت ہوتی تو مخالفین کو جھوٹے الزامات پر سزائے موت کی چکیوں میں نہ ڈالتی۔ لوگوں کو سب معلوم ہے کہ 4 سال اس ملک کی معیشت کے ساتھ کیا کھلواڑ کیا گیا۔ انہوں نے یہ بھی کہا کہ 4 سال میں نوجوان نسل کو صرف انتشار، فساد اور تقسیم کا شکار کیا گیا۔
Short Link
Copied
