paksahafat پاک صحافت
Related Articles
اسلام آباد (پاک صحافت) صدر مملکت آصف زرداری نے بلوچستان کے ضلع نوشکی میں مسافروں کے بے رحمانہ قتل کی سخت مذمت کی ہے۔
تفصیلات کے مطابق صدر مملکت آصف زرداری نے دہشتگردوں کے ہاتھوں مسافروں کے بہیمانہ قتل پر گہرے رنج و غم کا اظہار کرتے ہوئے کہا ہے کہ معصوم شہریوں کو نشانہ بنانے والے قوم کے خیر خواہ نہیں ہوسکتے۔
آصف زرداری کا مزید کہنا ہے کہ پوری قوم دہشت گردوں کے ناپاک عزائم کو مسترد کرتی ہے، سکیورٹی فورسز پوری قوم کی مدد سے دہشتگردوں کے مکمل خاتمے کیلئے پرعزم ہیں۔
صدر مملکت نے جاں بحق ہونے والے افراد کے لواحقین سے اظہار ہمدردی کیا، جاں بحق افراد کیلئے دعائے مغفرت اور اہل خانہ کیلئے صبر جمیل کی دعا کی۔
Short Link
Copied
