paksahafat پاک صحافت
Related Articles
اسلام آباد (پاک صحافت) پاکستان پیپلزپارٹی کے سینئر رہنما سید خورشید حسین شاہ نے وزیر اعظم عمران خان کو نالائق ترین وزیر اعظم قرار دیتے ہوئے کہا کہ عمران خان نے خود بھی کہہ دیا کہ کابینہ میں کون لائق اور کون نالائق ہے، حقیقت یہ ہے کہ وزیراعظم سب سے زیادہ خود نالائق ہے، کابینہ کی نااہلی کی وجہ سے جن چیزوں کو کنٹرول کرسکتے تھے وہ بھی نہ ہوسکے۔
تفصیلات کے مطابق پی پی رہنما خورشید شاہ نے پریس کانفرنس کے دوران کہا کہ عمران خان خوش نصیب ہیں کہ کمزور اپوزیشن ملی ہے، یہ بات کسی حد تک ٹھیک ہے، ریاست کو مضبوط کرنے کیلئے کئی مواقع دئیے، اب تو اس حکومت نے ثابت کیا کہ یہ نالائق ہیں۔ خورشید شاہ کا کہنا ہے کہ لانگ مارچ خوشی سے نہیں کررہے ہیں، مجبور ہوگئے ہیں۔
واضح رہے کہ پریس کانفرنس کے دوران خورشید شاہ نے بتایا کہ 27 فروری کو کراچی سے نکلیں گے اور 10 مارچ تک اسلام آباد پہنچیں گے، ہمارا مطالبہ ہوگا کہ وزیر اعظم استعفی دیں۔ ان کا کہنا تھا کہ 32 سال میں کبھی ایسی پارلیمنٹ نہیں دیکھی، اب ہم بتائیں گے کہ اپوزیشن کتنی اہل ہے۔ لانگ مارچ کیلئے سب پارٹیوں کیساتھ رابطہ میں ہیں۔
