paksahafat پاک صحافت
Related Articles
اسلام آباد (پاک صحافت) مریم نواز کا کہنا ہے کہ میں ایکس وائی زیڈ نہیں کہوں گی بلکہ نام لے کر کہہ رہی ہوں کہ جسٹس کھوسہ نے عمران خان سے کہا کہ میں نواز شریف کو نکالنے میں مدد کرتا ہوں۔
تفصیلات کے مطابق پریس کانفرنس سے خطاب کرتے ہوئے مسلم لیگ ن کی نائب صدر مریم نواز نے کہا ہے کہ عمران خان کی طرح ڈھکے چھپے الفاظ استعمال نہیں کروں گی، میں ایکس وائی زیڈ نہیں کہوں گی بلکہ نام لے کر کہتی ہوں کہ نواز شریف کو نکالنے کیلئے جسٹس کھوسہ نے کہا کہ میرے پاس ٹیشن لے کر آؤ، نواز شریف کو نکالنے میں مدد کرتا ہوں۔
مریم نواز کا مزید کہنا تھا کہ اسی عدالت میں اس سے بڑا مذاق کیا ہو کہ عمران خان کورٹ نمبر ون میں اشتہاری تھا مگر وہ اسی کورٹ نمبر ون میں بیٹھ کر پانامہ کیس کی سماعت سنتا رہا، تالیاں بجاتا رہا، اس نے ٹانگ پر ٹانگ رکھ کر پوری عدالتی کارروائی دیکھی کیا کسی جج نے پوچھا کہ تم تو اشتہاری ہو، یہاں کیا کر رہے ہو، عمران خان وہاں بیٹھ کر عدلیہ اور انصاف کا مذاق اڑاتا رہا۔
