16.1 C
Pakistan
پیر, اکتوبر 18, 2021

ہر گزرتے دن کیساتھ حکومتی نااہلی واضح تر ہورہی ہے۔ شہبازشریف

لاہور (پاک صحافت) شہباز شریف کا کہنا ہے کہ ہر گزرتے دن کے ساتھ پی ٹی آئی حکومت کی نااہلی واضح تر ہوتی جارہی ہے۔ اب نااہلی کی تمام حدیں پار ہوچکی ہیں۔

تفصیلات کے مطابق مسلم لیگ ن کے صدر اور قومی اسمبلی میں قائد حزب اختلاف شہباز شریف نے سماجی رابطے کی ویب سائٹ ٹوئٹر پر ایک بیان جاری کرتے ہوئے کہا ہے کہ ہر نیا دن حکومت کی نااہلی کا ثبوت پیش کرتا ہے، پی ٹی آئی حکومت قومی معاملات کے انتظامی امور میں بھی نااہل ثابت ہوئی ہے۔

شہباز شریف کا مزید کہنا ہے کہ ملکی بدترین معیشت، ناقص حکمرانی، روپے کی قدر میں کمی اور عدم استحکام حکومت کی نااہلی کی واضح مثالیں ہیں۔ یاد رہے کہ ملک بھر میں مہنگائی اور بے روزگاری میں دن بدن اضافہ ہوتا جارہا ہے جبکہ قومی اداروں کی صورت حال بھی ابتری کی جانب گامزن ہے۔

Related Articles

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

nineteen + sixteen =

Latest Articles