paksahafat پاک صحافت
Related Articles
اسلام آباد (پاک صحافت) وزیر داخلہ رانا ثناءاللہ کا کہنا ہے کہ چیئرمین پی ٹی آئی کیخلاف سانحہ 9 مئی کا مقدمہ فوجی عدالتوں میں چلے گا۔
تفصیلات کے مطابق وفاقی وزیر داخلہ رانا ثناءاللہ نے نجی ٹی وی پروگرام میں گفتگو کرتے ہوئے کہا ہے کہ چیئرمین پی ٹی آئی فوجی تنصیبات پر حملوں کی منصوبہ بندی میں شامل ہیں۔ ان کے خلاف مقدمہ فوجی عدالتوں میں چلے گا۔ سویلینز کے مقدمات فوجی عدالتوں میں نہیں چلنے چاہئیں مگر فوجی تنصیبات میں داخل ہونے والوں کا ٹرائل فوجی عدالتوں میں ہی ہوگا۔
رانا ثناءاللہ کا مزید کہنا تھا کہ فوجی تنصیبات کو نقصان پہنچانے والوں کا ٹرائل ملٹری ایکٹ 1952 کے تحت ہی ہوگا۔ سانحہ 9 مئی میں ملوث حاضر سروس فوجی افسران کے خلاف بھی تحقیقات جاری ہیں۔ حاضر سروس، ریٹائرڈ افراد کے خلاف تحقیقات منطقی انجام تک پہنچ چکی ہیں۔
Short Link
Copied
