paksahafat پاک صحافت
Related Articles
اسلام آباد (پاک صحافت) رانا ثناءاللہ کا کہنا ہے کہ عمران خان کو چاہیے لانگ مارچ کیلئے گھر سے نکلتے ہوئے اپنی جان اللّٰہ کی امان میں دے کر نکلے۔
تفصیلات کے مطابق وزیر داخلہ رانا ثناءاللہ نے نجی ٹی وی چینل کے پروگرام میں گفتگو کرتے ہوئے کہا ہے کہ حکومت کسی کی جان کی حفاظت کی ضمانت نہیں دے سکتی، جب مشتعل اور مسلح ہجوم دارالحکومت پر دھاوا بولے گا تو حکومت کسی کی جان کی حفاظت کی ضمانت کیسے دے سکتی ہے؟ کوئی ہجوم میں سے کچھ بھی کرسکتا ہے، یا پھر ہجوم کا کوئی بندہ پولیس ایکشن کی زد میں آسکتا ہے۔
رانا ثناءاللہ کا مزید کہنا تھا کہ حکومت نے لانگ مارچ سے نمٹنے کی اصل حکمت عملی تو ابھی تک کسی کو بتائی ہی نہیں ہے۔ آڈیو لیکس کی تفتیش پر انہوں نے کہا کہ اس میں کوئی ایجنسی نہیں، انفرادی شخصیت ملوث ہے، جس نے فون ہیک کرکے، یا میز پر کوئی چیز رکھ کر ریکارڈنگ کی، بندے شناخت ہوچکے، ان پر نظر ہے، لیکن کسی کو گرفتار نہیں کیا۔
