paksahafat پاک صحافت
Related Articles
اسلام آباد (پاک صحافت) سراج الحق نے پنڈورا لیکس کی تحقیقات کے لئے سپریم کورٹ میں درخواست دائر کردی ہے۔ جس میں اس حوالے سے تحقیقات کا مطالبہ کیا گیا ہے۔
تفصیلات کے مطابق جماعت اسلامی کے امیر سراج الحق نے درخواست میں موقف اختیار کیا کہ پنڈورا پیپرز میں بڑے بڑے پاکستانی شہریوں کے نام سامنے آئے، پنڈورا پیپرز پاناما لیکس کا تسلسل ہے، پنڈورا پیپرز پر حکومت نے تحقیقات کا عمل شروع کیا لیکن ابھی تک کوئی پیش رفت نہیں ہوسکی لہذا سپریم کورٹ جوڈیشل تحقیقات کرے۔
اس موقع پر ذرائع ابلاغ کے نمائندوں سے گفتگو کرتے ہوئے سراج الحق کا کہنا تھا کہ پنڈورا پیپر سامنے آنے کے بعد وفاقی حکومت کو فوری سپریم کورٹ آنا چاہیے تھا، لیکن حکومت نے پنڈورا پر مجرمانہ غفلت کا مظاہرہ کیا، حکومت نے پنڈورا پیپرز پر بنائے گئے سیل میں تمام سرکاری افسران کو شامل کردیا، 50 دن گزرنے کے بعد بھی حکومتی سیل حرکت میں نہیں آیا۔
