paksahafat پاک صحافت
Related Articles
پاک صحافت ایران نے صیہونیوں کے ہاتھوں المیادین ٹی وی چینل کے میڈیا کارکنوں کے قتل کی شدید مذمت کی ہے۔
اسلامی جمہوریہ ایران کی وزارت خارجہ کے ترجمان نے کہا ہے کہ صحافیوں اور میڈیا کارکنوں کے دانستہ قتل کے باوجود ناجائز صیہونی حکومت حق کی آواز کو دبا نہیں سکتی۔
ناصر کنانی چافی نے صیہونی فوجیوں کے ہاتھوں جنوبی لبنان میں المیادین ٹی وی چینل کی صحافی فرح عمر اور المیادین ٹی وی چینل کے کیمرہ مین ربیع المماری کی شہادت پر چینل کے سربراہ اور اس کے میڈیا اہلکاروں کو تسلی دی۔ ایکس پر لکھے گئے اپنے پیغام میں کنانی نے کہا کہ دنیا کو سچ دکھانے والوں کے قتل کے باوجود سچ کو چھپایا نہیں جا سکتا۔
واضح رہے کہ صیہونی فوجیوں نے جنوبی لبنان کے ایک دیہی علاقے “طائر حرفہ” پر حملہ کر کے المیادین ٹی وی چینل کے صحافی اور کیمرہ مین کو شہید کر دیا۔ یہ حملہ جان بوجھ کر کیا گیا۔
المیادین ٹی وی چینل کے منیجنگ ڈائریکٹر غسان بن جدو نے کہا کہ اسرائیل کے براہ راست حملے میں ہمارے دونوں ساتھی شہید ہوئے۔ اس سے قبل 13 اکتوبر کو صہیونی فوج نے المشاب کے علاقے میں میڈیا ٹیم پر حملہ کیا تھا جس میں رائٹرز کا ایک کیمرہ مین ہلاک جب کہ متعدد صحافی زخمی ہوئے تھے۔
