paksahafat پاک صحافت
Related Articles
پاک صحافت جرمنی کے ایک اسپتال میں آگ لگ گئی جس سے مریضوں میں افراتفری مچ گئی۔
آگ کے شعلے اس قدر شدید تھے کہ تیسری منزل تک پہنچ گئے۔ جس کی وجہ سے داخل مریض بھی ادھر ادھر بھاگنے لگے۔
فوری طور پر اس کی اطلاع فائر ڈیپارٹمنٹ کو دی گئی۔ آگ پر بروقت قابو پالیا گیا۔ لیکن تب تک چار افراد جھلس چکے تھے۔ آگ لگنے کے واقعہ کو مشتبہ قرار دیا جا رہا ہے اور اس معاملے میں ایک شخص کو حراست میں لے کر پوچھ گچھ کی جا رہی ہے۔
اس دوران پوری عمارت میں دھواں بھر جانے سے مریضوں کی حالت خراب ہونے لگی۔ 40 سے زائد افراد کو بحفاظت نکال لیا گیا کیونکہ دھوئیں نے اسپتال کو اپنی لپیٹ میں لے لیا۔ یہ واقعہ جرمنی کے دارالحکومت برلن کے ایک اسپتال میں پیش آیا۔ آگ لگنے سے چار افراد شدید زخمی ہو گئے۔
فائر سروس نے بتایا کہ آگ، جو پیر کی صبح ہسپتال کی تیسری منزل پر لگی تھی، اب بجھا دی گئی ہے۔
جرمن خبر رساں ادارے ڈی پی اے کی خبر کے مطابق فائر فائٹرز نے کہا کہ لگتا ہے کہ آگ ایک بستر سے لگی ہے۔ پولیس نے کہا کہ ایک مشتبہ شخص کو گرفتار کر لیا گیا ہے اور آتش زنی کے امکان کو رد نہیں کیا جا سکتا۔
