25.1 C
Pakistan
جمعہ, جولائی 30, 2021

سابقہ اداکارہ نور بخاری کا ڈپریشن سے نکلنے کے لیے مداحوں کو اہم مشورہ

کراچی (پاک صحافت) فلم انڈسٹری کو خیرآباد کہنے والی سابقہ اداکارہ نور بخاری نے ڈپریشن سے نکلنے کے لئے مداحوں کو اہم مشورہ دے دیا۔ نور بخاری نے مداحوں کو مشورہ دیتے ہوئے کہا کہ ’میں صبح، دوپہر اور شام سورۃ الرحمٰن کی تلاوت سُنتی ہوں اور یوں میرا ڈپریشن خود ہی ختم ہوجاتا ہے۔‘

تفصیلات کے مطابق گزشتہ روز نور بخاری نے فوٹو اینڈ ویڈیو شیئرنگ ایپ انسٹاگرام پر اپنے مداحوں کے لیے سوال و جواب کا ایک سیشن رکھا جس میں اُن کے مداحوں نے اُن سے مختلف سوالات کیے اور ساتھ ہی کچھ  نے تو نور سے مشورے بھی مانگے۔ اسی سیشن کے دوران ایک مداح نے نور بخاری سے سوال کیا کہ ’جب آپ کو ڈپریشن ہوتا ہے تو آپ اُسے کیسے ختم کرتی ہیں؟‘

واضح رہے کہ مداح کے سوال کا جواب دیتے ہوئے سابقہ اداکارہ نور بخاری نے کہا کہ ’مجھے جب بھی ڈپریشن ہوتا ہے میں قاری عبدالباسط کی آواز میں سورۃ الرحمٰن کی تلاوت سُنتی ہوں۔‘ خیال رہے کہ رہے کہ پاکستان فلم انڈسٹری کو خیرباد کہہ کر نور بخاری اب اپنی زندگی اسلامی تعلیمات کے مطابق بسر کررہی ہیں۔

Related Articles

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

four × four =

Latest Articles