paksahafat پاک صحافت
Related Articles
راولپنڈی (پاک صحافت) اس وقت کراچی سے لے کر اسلام آباد تک پیپلزپارٹی کے لانگ مارچ کی تیاریاں عروج پر ہیں۔ پی پی رہنما اور کارکن لانگ مارچ کی کامیابی کے لئے بھرپور کوششیں کررہے ہیں جبکہ اب راولپنڈی میں اہم اقدامات کا بھی اعلان کیا گیا ہے۔
تفصیلات کے مطابق پیپلزپارٹی نے راولپنڈی کے تاریخی لیاقت باغ کو خیمہ بستی میں تبدیل کرنے کا فیصلہ کر لیا ہے۔ لانگ مارچ کے شرکاء 6 مارچ صبح ٹی چوک روات پہنچیں گے، جہاں انہیں لیاقت باغ میں ٹھہرایا جائے گا۔ راولپنڈی میں داخلے کے لیے جی ٹی روڈ استعمال کیا جائے گا، کچہری سے لانگ مارچ کے شرکاء مری روڈ پر داخل ہوں گے۔
کینٹ جنرل سیکرٹری ملک ادریس قاسم کا اس حوالے سے کہنا ہے کہ مریڑ حسن لیاقت باغ چوک اور کچہری چوک میں استقبالیہ کیمپ لگائے جائیں گے۔ انہوں نے بتایا کہ لانگ مارچ شرکاء 7 مارچ کو ناشتے کے بعد فیض آباد کے راستے اسلام آباد میں داخل ہوں گے۔
