paksahafat پاک صحافت
Related Articles
اسلام آباد (پاک صحافت) وزیر خزانہ مفتاح اسماعیل نے گورنراسٹیٹ بینک رضا باقر کی مدت ملازمت ختم ہونے پر اپنے پیغام میں کہا ہے کہ نئے گورنر اسٹیٹ بینک کی تعیناتی تک ڈپٹی گورنر امور انجام دیں گے۔ خیال رہے کہ قانون کے مطابق حکومت ایک ماہ میں مستقل گورنراسٹیٹ بینک تعینات کرنےکی پابند ہے۔
تفصلات کے مطابق وفاقی وزیر خزانہ مفتاح اسماعیل کی جانب سے جاری بیان میں کہا گیا ہےکہ گورنراسٹیٹ بینک رضا باقر کے عہدے کی مدت ختم ہوگئی جس کےبعد نئی تعیناتی تک ڈپٹی گورنر مرتضیٰ سید گورنراسٹیٹ بینک کے امور سرانجام دیں گے۔ مفتاح اسماعیل کا کہنا تھا کہ ڈاکٹرمرتضیٰ سید مستند ماہر معاشیات ہیں اور انہیں آئی ایم ایف کے ساتھ کام کرنےکا وسیع تجربہ ہے۔
واضح رہے کہ رضا باقر کی بطور گورنر اسٹیٹ بینک 3 سالہ مدت آج مکمل ہوگئی ہے۔ جبکہ حکومت کی جانب سے ڈپٹی گورنر مرتضٰی سید کو گورنر اسٹیٹ بینک کا اضافی چارج دئیے جانے کا فیصلہ کیا گیا ہے۔ خیال رہے کہ مئی 2019ء میں عالمی مالیاتی ادارے (آئی ایم ایف) کے سابق عہدیدار رضا باقر نے بطور گورنر اسٹیٹ بینک ذمہ داریاں سنبھالی تھیں۔
