paksahafat پاک صحافت
Related Articles
اسلام آباد (پاک صحافت) گزشتہ روز ملک بھر میں ایک ہی دن چودہ لاکھ سے زائد شہریوں کی ویکسینیشن مکمل کی گئی ہے جو اب تک کا سب سے بڑا ریکارڈ ہے۔
تفصیلات کے مطابق 30 اگست کو 14 لاکھ 5 ہزار 352 افراد کو کورونا ویکسین کی خوراکیں لگائی گئیں۔ جبکہ مجموعی طور پر اب تک 5 کڑور 51 لاکھ 78 ہزار 37 افراد کو ویکسین لگائی جا چکی ہے۔ ملک بھر میں گزشتہ روز سب سے زیادہ ویکسین لگانے کا ریکارڈ قائم ہوا ہے۔
دوسری جانب پاکستان میں گزشتہ 24 گھنٹوں کے دوران عالمی وبا کورونا وائرس کے باعث مزید 118 افراد جاں بحق ہوئے ہیں۔ ملک بھر میں کورونا کے باعث اموات کی مجموعی تعداد 25 ہزار 788 ہو گئی ہے۔ گزشتہ 24 گھنٹوں کے دوران ملک بھر میں 3 ہزار 838 کورونا کیسز رپورٹ ہوئے جبکہ ملک بھر میں کورونا کے مجموعی کیسز کی تعداد 11 لاکھ 60 ہزار 119 ہوگئی ہے۔
Short Link
Copied
