کراچی (پاک صحافت) میئر کراچی مرتضی وہاب نے کہا کہ اقتدار کیلئے ریاست کو نقصان پہنچانے والوں کے ساتھ نہیں بیٹھ سکتے۔
تفصیلات کے مطابق میئر کراچی مرتضی وہاب نے میڈیا سے گفتگو کرتے ہوئے کہاکہ نو مئی والوں نے پاکستان پر حملہ کیا ہم ان کے ساتھ نہیں بیٹھ سکتے،نو مئی کرنے والوں نے آج تک مذمت نہیں کی، کیا پی ٹی آئی کے ساتھ جا کر بیٹھ جائیں؟۔
ذرائع کے مطابق مرتضی وہاب نے مزید کہا کہ ملک ہے تو سب کچھ ہے ورنہ کچھ بھی نہیں، ملک میں سیاسی استحکام بہت ضروری ہے، ہمارے پاس وفاق میں حکومت بنانے کیلئے ووٹ نہیں، پیپلزپارٹی نے کبھی عوامی حقوق پر سمجھوتہ نہیں کیا۔
میئر کراچی کا مزید کہنا تھا کہ نہروں کے معاملے پر پیپلزپارٹی کا مؤقف بڑا واضح ہے۔
Short Link
Copied