paksahafat پاک صحافت
Related Articles
پاک صحافت اسلامی جہاد فلسطین کے سربراہ نے کہا ہے کہ ہم دشمنوں کی دھمکیوں سے نہیں گھبرانے والے ہیں۔
جہاد اسلامی تنظیم کے جنرل سکریٹری زیاد اناخیلہ نے کہا ہے کہ دشمن کا خطرہ ہمیں خوفزدہ نہیں کر سکتا بلکہ یہ ہمارے درمیان اتحاد کا باعث بنتا ہے۔
انہوں نے ناجائز صیہونی حکومت کی طرف سے غزہ اور لبنان پر حملوں کے خطرے کا ذکر کرتے ہوئے کہا کہ ہم دشمن کے کسی بھی حملے کا جواب دینے کے لیے تیار ہیں۔ ادھر فلسطین کی اسلامی مزاحمتی تحریک حماس کے سربراہ اسماعیل ھنیہ نے غیر قانونی طور پر مقبوضہ فلسطین میں حالیہ تبدیلیوں پر اپنے رد عمل میں مزاحمت کی راہ کو آگے بڑھانے اور تمام قوتیں مسجد الاقصی کی حفاظت پر مامور کرنے پر زور دیا ہے۔ انہوں نے کہا کہ ہم کسی بھی حالت میں صیہونی حکومت کو بیت المقدس کو یہودیانے کے منصوبے کو عملی جامہ پہنانے کی اجازت نہیں دیں گے۔
ادھر صیہونی حکومت کے ریڈیو نے جمعرات کو کہا کہ لبنان اور غزہ پر کسی بھی وقت حملہ کیا جا سکتا ہے۔ واضح رہے کہ گذشتہ چند دنوں کے دوران ناجائز صیہونی حکومت کے فوجیوں نے مسجد الاقصی اور فلسطینیوں کے خلاف پرتشدد کارروائیاں تیز کر دی ہیں۔ ان کی حالیہ پرتشدد کارروائیوں پر مختلف ممالک سے ردعمل سامنے آ رہے ہیں۔
