paksahafat پاک صحافت
Related Articles
لاہور (پاک صحافت) خواجہ سعد رفیق کا کہنا ہے کہ پی ٹی آئی ارکان اسمبلی کی بھاری تعداد عمران خان کی نااہلی اور عوام دشمن اقدامات و پالیسیوں سے تنگ ہے۔
تفصیلات کے مطابق مسلم لیگ ن کے رہنما خواجہ سعد رفیق نے ذرائع ابلاغ کے نمائندوں سے گفتگو کرتے ہوئے کہا ہے کہ عمران خان اپنے ایم این ایز کو سنبھال کر رکھیں تو عدم اعتماد ناکام ہوجائے گی۔ آپ کے ممبرز آپ کے ساتھ نہیں وہ تو نکل گئے ہیں، آپ کے اراکین آپ کو منہ پر کہہ چکے ہیں کہ وہ آپ کے ساتھ نہیں۔
خواجہ سعد رفیق کا مزید کہنا تھا کہ ایک ڈیڑھ سال میں معیشت بہتر کرنا اور مسائل حل نہیں ہوسکتے، ایک ڈیڑھ سال میں یہ ہوسکتا ہے کہ چیزوں کو ٹریک پر ڈالیں۔ کیا لوگ اکٹھے کرنا صرف عمران خان کو آتا ہے، ہمیں بھی آتا ہے، فضل الرحمٰن نے لوگوں کو باہر نکالنے کی اپیل کی تو حکومت کی ٹانگیں کانپ رہی تھیں، دیکھتے ہیں ہمیں کون روکتا ہے۔ انہوں نے کہا کہ سوا یا ڈیڑھ سال انتخابات کا انتظار کرنا ممکن نہیں، چاہتے ہیں فوری انتخابات ہوں۔
