paksahafat پاک صحافت
Related Articles
(پاک صحافت) امریکی ایوان نمائندگان کی مسلمان رکن راشدہ طلیب نے رفح بارڈر کراسنگ پر حملے کے بعد صیہونی حکومت کو اربوں ڈالر کی امداد جاری رکھنے پر اپنے ساتھیوں پر تنقید کرتے ہوئے کہا ہے کہ واشنگٹن اسرائیل کی نسل کشی میں شراکت دار ہے۔
تفصیلات کے مطابق کارروائی کے مطالبے میں امریکی صدر جوبائیڈن اور ان کے ساتھیوں کی اسرائیل کو اربوں ڈالر کی غیر مشروط امداد بھیجنے کی مذمت کی گئی ہے۔ صیہونی حکومت کی جانب سے رفح پر بھرپور حملے کی تیاری کے بارے میں تشویش میں اضافہ ہوا ہے جب حکومت کے ٹینک اس علاقے میں بھیجے گئے اور منگل کے روز اس شہر کے مشرقی حصے میں ٹارگٹ حملوں کا آغاز ہوا۔
راشدہ طلیب نے اپنے بیان میں مزید کہا ہے کہ میرے بہت سے ساتھیوں نے انسانیت کے خلاف ہونے والے جرائم کے بارے میں اپنی تشویش اور وحشت کا اظہار کیا ہے، جبکہ انہوں نے حال ہی میں بنجمن نیتن یاہو (صیہونی حکومت کے وزیراعظم) کو مزید ہتھیار بھیجنے کے حق میں ووٹ دیا ہے۔
انہوں نے کہا کہ کوئی غلطی نہ کریں، انہوں نے ان جرائم کے لیے اپنی رضامندی کا اظہار کیا اور ہمارے ملک نے نسل کشی میں بڑھ چڑھ کر حصہ لیا۔ کئی مہینوں تک نیتن یاہو نے رفح پر حملہ کرنے کے اپنے ارادے کا کھلم کھلا اعلان کیا تھا، تاہم میرے اکثر ساتھیوں اور صدر بائیڈن نے اس قتل عام کو ممکن بنانے کے لیے اسرائیل کو مزید ہتھیار بھیجے۔
