paksahafat پاک صحافت
Related Articles
کیلیفورنیا (پاک صحافت) سماجی رابطوں کی مقبول ترین سائٹ ٹوئٹر نے نفرت انگیز مواد کو پھیلنے سے روکنے کے لئے اہم قدم اٹھا لیا، اس حوالے سے ٹوئٹر انتظامیہ کا کہنا ہے کہ انتظامیہ نے نفرت انگیز اور نامناسب مواد کے خلاف کارروائی کرتے ہوئے ٹوئٹر ہیلپ سینٹر کو مزید اپ ڈیٹ کردیا ہے۔
تفصیلات کے مطابق ہیلپ لائن کی اپ ڈیٹ کی گئی پالیسیاں نفرت انگیز مواد اور ہراساں کیے جانے جیسے اقدامات کی روک تھام میں مددگار ہیں۔ دوسری جانب ٹوئٹر کمپنی کا کہنا ہے کہ نئی پالیسی تمام مواد کا احاطہ کیے ہوئے ہے۔
واضح رہے کہ ٹوئٹر کے آفیشل اکاؤنٹ پر نئی پالیسی سے متعلق ٹوئٹ کو شیئر کرتے ہوئے ٹوئٹ کیا گیا ہے، جس کے مطابق مثبت عوامی گفتگو کے لیے کیے گئے عزم کے تحت شراکت داروں کی آراء کو اکٹھا کرتے ہوئے ہم مسلسل اپنی پالیسیوں میں جدت لارہے ہیں تاکہ اس بات کو یقینی بنایا جاسکے کہ ٹوئٹر وہ مقام ہے جہاں ہر شخص خود کو محفوظ رہ سکے۔
