paksahafat پاک صحافت
Related Articles
پشاور (پاک صحافت) امیر مقام کا کہنا ہے کہ گزشتہ نو سال سے کے پی میں پی ٹی آئی اور عمران خان کی حکومت ہے لیکن 9 سال سے خیبر پختونخوا میں کوئی کارکردگی نہ دکھانے والا عوام کو نئے سبزباغ دکھا رہا ہے۔
تفصیلات کے مطابق وزیراعظم شہباز شریف کے مشیر امیر مقام نے کہا ہے کہ کوہاٹ جلسے کی لائٹنگ ٹھیک نہ ہونے پر عمران خان نے ٹھیکیدار شیخ انوار کو گرفتار کرایا۔ امیر مقام نے عمران خان کے جلسے کی لائٹنگ ٹھیک نہ ہونے پر ٹھیکیدار کو گرفتار کرنے کی مذمت کرتے ہوئے کہا کہ 24 گھنٹے سے جنگل خیل تھانہ عمران نیازی کے جنگل کے قانون کی مثال بنا ہوا ہے۔
امیر مقام کا مزید کہنا ہے کہ اعلی عدلیہ کو اس معاملے کا نوٹس لینا چاہیے، کیا عمران نیازی ہر قانون سے بالاتر ہے؟ اسلام کی مثالیں دینے والے کا یہ اصل چہرہ اور اصلیت ہے۔ مظلوم ٹھیکیدار کو انصاف دلایا جائے، عمران نیازی کی غنڈا گردی سے نجات دلائی جائے۔ انہوں نے کہا کہ عمران نیازی خیبرپختونخوا حکومت کے وسائل اور اختیارات کا ناجائز استعمال کررہا ہے۔
