paksahafat پاک صحافت
Related Articles
لاہور (پاک صحافت) پنجاب کی سینئر وزیر مریم اورنگزیب نے کہا ہے کہ 26 ویں آئینی ترمیم آئین، جمہوریت، عدلیہ اور عوام دوست ہی نہیں ماحول دوست بھی ہے۔
اپنے ایک بیان میں انہوں نے کہا کہ الحمد للّٰہ پاکستان دنیا کے اُن سر فہرست ممالک میں شامل ہو گیا جہاں شفاف، صحت سے بھرپور ماحول کی فراہمی ہے۔ مریم اورنگزیب نے کہا کہ آرٹیکل 9 کی روشنی میں ماحولیاتی بہتری، موسمیاتی چیلنج اور گلوبل وارمنگ جیسے مسائل سے نمٹنا ہمارے دستور کا باضابطہ حصہ بن گیا ہے۔
انہوں نے کہا کہ وزیرِ اعظم شہباز شریف خاص طور پر مبارک اور خراجِ تحسین کے مستحق ہیں۔ ن لیگی رہنما کا یہ بھی کہنا ہے کہ عالمی ماحولیاتی بہتری کے حوالے سے پاکستان نے بہت نمایاں، ٹھوس، جامع اور عملی قدم اٹھایا ہے۔
Short Link
Copied
