paksahafat پاک صحافت
Related Articles
کراچی (پاک صحافت) الیکشن کمیشن کا کہنا ہے کہ 1 کروڑ 32 لاکھ 83 ہزار 696 افراد آج اپنا حقِ رائے دہی استعمال کر رہے ہیں۔ ترجمان الیکشن کمیشن کے مطابق سندھ میں دوسرے مرحلے کے بلدیاتی انتخابات کے لیے 8706 پولنگ اسٹیشن قائم کیے گئے ہیں۔
تفصیلات کے مطابق الیکشن کمیشن کی جانب سے جاری اعلامیے میں کہا گیا ہے کہ آج صبح 8 بجے شروع ہونے والی پولنگ شام 5 بجے تک بغیر کسی وقفہ کے جاری رہے گی۔ ترجمان کے مطابق مرکزی کنٹرول روم کل سے قائم ہے اور نتائج آنے تک دن رات فعال رہے گا۔
واضح رہے کہ مردوں کے لیے 1204 اور خواتین کے لیے 1170 پولنگ اسٹیشنز قائم کیے گئے ہیں، مشترکہ طور پر 6332 اور 389 امپرووائزڈ پولنگ اسٹیشنز بنائے گئے ہیں۔ الیکشن کمیشن کے ترجمان کا مزید کہنا ہے کہ اسپیشل سیکریٹری اور سیکریٹری الیکشن کمیشن سندھ کے سے انتخابات کی نگرانی کر رہے ہیں۔
Short Link
Copied
