paksahafat پاک صحافت
Related Articles
مظفرآباد (پاک صحافت) بلاول بھٹو کا کہنا ہے کہ الیکشن میں کامیابی کے بعد ہم مقبوضہ کشمیر سے مودی اور آزاد کشمیر سے عمران خان کو بھی بھگائیں گے۔
تفصیلات کے مطابق پیپلزپارٹی کے چیئرمین بلاول بھٹو نے کارکنوں کے ایک اجلاس سے خطاب کرتے ہوئے کہا ہے کہ ہم کشمیر میں حکومت بناکر عوامی مسائل حل کریں گے اور کشمیری عوام کو مودی اور عمران خان کے ظلم و ستم سے نجات دلائیں گے۔
بلاول بھٹو کا مزید کہنا تھا کہ میں کشمیر کے عوام کو لاوارث نہیں دیکھ سکتا، موجودہ حکومت کا کشمیر سے متعلق رویہ دیکھتا ہوں تو افسوس ہوتا ہے۔ مقبوضہ کشمیر میں کشمیری مودی کا مقابلہ کررہے ہیں، یہاں کے کشمیری عمران خان کی مہنگائی کا مقابلہ کررہے ہیں۔ انہوں نے کہا کہ کشمیریوں کو مشکلات سے نجات کے لئے پیپلز پارٹی کا ساتھ دینا ہوگا۔
Short Link
Copied
