paksahafat پاک صحافت
Related Articles
لاہور (پاک صحافت) جماعت اسلامی پاکستان کے امیر سراج الحق نے پاکستان تحریک انصاف (پی ٹی آئی) حکومت پر اظہار برہمی کرتے ہوئے ڈومیسٹک وائلنس بل خاندانی نظام پر حملہ قرار دے دیا۔ سراج الحق کا کہنا ہے کہ ڈومیسٹک وائلنس بل کا قانون ہمارے خاندانی نظام پر حملہ ہے، ہمار ا مطالبہ ہے کہ اس بل کو حکومت واپس لے۔
تفصیلات کے مطابق جماعت اسلامی کے امیر سراج الحق نے پی ٹی آئی حکومت پر تنقید کرتے ہوئے کہا کہ پاکستان تحریک انصاف نے عوام کے ساتھ بڑے وعدے کئے تھے مگر ان میں سے ایک بھی پور انہیں کیا گیا ۔پی ٹی آئی حکومت نے ریاست مدینہ بنانے کا وعدہ کیا لیکن تمام قوانین شریعت سے منافی بنائے۔
واضح رہے کہ سراج الحق نے اپنے بیان میں مزید کہا کہ پاکستان میڈیا اتھارٹی بل بھی آمرانہ سوچ کی عکاسی کرتا ہے۔ ان کا کہنا تھا کہ موجودہ حکومت نے پاکستان کو 30 سال پیچھے کردیا ہے،57بنائے گئے قوانین میں ایک بھی عوامی مفاد کا نہیں ہے، اسمبلی سے باہر 68 آرڈننس پاس کیے گئے ہیں ان میں بھی کوئی عوام کے لیے نہیں ہے۔
