paksahafat پاک صحافت
Related Articles
اسلا م آباد (پاک صحافت) پاکستان پیپلز پارٹی کے چیئرمین بلاول بھٹو زرداری نے عوام کو ہدایت کی ہے کہ پی ٹی آئی کے ہتھکنڈوں سے نہ گھبرائیں، بڑی تعداد میں نکلیں اور اپنے ووٹوں سے پی ٹی آئی کو شکست دیں۔ پی پی چیئرمین نے جاری بیان میں کہا کہ پی پی پی کے تمام کارکنوں سے درخواست ہے کہ وہ خلاف ورزیوں کی رپورٹ پارٹی الیکشن سیل یا براہ راست ای سی پی کو دیں۔
تفصیلات کے مطابق سوشل میڈیا کی ویب سائٹ ٹوئٹر پر جاری بیان میں پی پی چیئرمین بلاول بھٹو زرداری نے وفاقی حکومت کو آڑے ہاتھوں لیتے ہوئے کہا ہے کہ پی ٹی آئی بلدیاتی انتخابات میں دھاندلی کی کوششوں میں نئی گہرائیوں میں ڈوب گئی ہے۔ پی پی چیئرمین کا کہنا ہے کہ پشاور میں پی ٹی آئی کے کارکن پولنگ سے ایک رات پہلے بیلٹ پیپرز پر مہر لگاتے ہوئے رنگے ہاتھوں پکڑے گئے، سارا دن پی ٹی آئی کی جانب سے پولنگ اسٹیشنوں میں توڑ پھوڑ کی خبریں آتی رہیں جس میں خواتین سمیت پولنگ عملے پر حملہ کیا گیا۔
واضح رہے کہ پی پی چیئرمین بلاول بھٹو زرداری نےپی ٹی آئی حکومت کو کڑی تنقید کا نشانہ بناتے ہوئے مزید کہا کہ یہ ایک انتہائی غیر مقبول حکومت نظر آتی ہے، وہ تشدد اور دھاندلی کا سہارا لے کر عوام کے انتخاب کو کمزور کرنے کی کوشش کر رہے ہیں، ہم ای سی پی سے مطالبہ کرتے ہیں کہ وہ دھاندلی کے خلاف کارروائی کرے اور آزادانہ اور منصفانہ انتخابات کو یقینی بنائے۔
