paksahafat پاک صحافت
Related Articles
کراچی (پاک صحافت) وزیر اطلاعات سندھ کا کہنا ہے کہ پی ٹی آئی حکومت ملک کی معاشی رگ کاٹنے پر مصر ہے، جس سے ملک بھر میں سنگین بحران پیدا ہوگیا ہے۔
تفصیلات کے مطابق پیپلزپارٹی کے رہنما اور وزیر اطلاعات سندھ سید ناصر حسین شاہ نے کہا ہے کہ وفاقی حکومت نے سندھ کے لئے پانی کے بعد اب گیس بھی بند کردیا گیا ہے۔ انہوں نے صنعتوں کے لئے گیس کی بندش پر شدید تشویش کا اظہار کیا ہے۔
وزیر اطلاعات سندھ سید ناصر حسین شاہ کا مزید کہنا ہے کہ صنعتوں کے لئے گیس کی بندش سے پیداواری سرگرمیاں معطل ہوگئی ہیں جبکہ گرمیوں میں پی ٹی آئی حکومت کی جانب سے گیس کا مصنوعی بحران پیدا کردیا گیا ہے۔ انہوں نے مطالبہ کیا ہے کہ سندھ کی صنعتوں کو گیس کی فوری فراہمی یقینی بنائی جائے بصورت دیگر صنعت کاروں کے ساتھ مل کر احتجاج شروع کریں گے۔
Short Link
Copied
