paksahafat پاک صحافت
Related Articles
کراچی (پاک صحافت) پیپلزپارٹی کی جانب سے ملک بھر میں بڑھتی ہوئی مہنگائی اور پیٹرولیم مصنوعات کی قیمتوں میں اضافے کے خلاف کل ملک بھر میں دھرنے دینے کا اعلان کیا گیا ہے۔
تفصیلات کے مطابق وزیراعلیٰ سندھ سید مراد علی شاہ نے پریس کانفرنس سے خطاب کرتے ہوئے کہا ہے کہ اس وقت سندھ لوکل گورنمنٹ ایکٹ کو ظلم قرار دے کر پیش کیا جا رہا ہے حالانکہ آج سے ڈیڑھ سال پہلے کہا تھا کہ لوکل گورنمنٹ ایکٹ میں ترمیم کی ضرورت ہے۔
وزیراعلی سندھ مراد علی شاہ کا مزید کہنا تھا کہ پاکستان تحریک انصاف کو تو کچھ سمجھ ہی نہیں ہے جبکہ اعتراضات کرنے والے سے سب سے پہلے بینفشری رہ چکے ہیں۔ انہوں نے کہا کہ 2017 کی مردم شماری پر صوبہ سندھ کے اعتراضات تھے اور مردم شماری میں کراچی سمیت سندھ بھر کی آبادی غلط شمار کی گئی جبکہ اسپیکر قومی اسمبلی کو خط لکھا تھا کہ غلط مردم شماری کی گئی ہے۔
