paksahafat پاک صحافت
Related Articles
راولپنڈی (پاک صحافت) پاک افغان سرحد پر واقع چوکی کو سرحد پار سے دہشت گردوں نے نشانہ بنایا ہے جس کے نتیجے میں پاک فوج کے جوان نے جام شہادت نوش کیا ہے۔
پاک فوج کے شعبہ تعلقات عامہ آئی ایس پی آر کے مطابق پاک افغان بارڈر پر لوئر دیر میں سرحد پار سے دہشت گردوں نے فائرنگ کی ہے۔ فائرنگ افغان علاقے سے فوجی چوکی پر کی گئی۔ فائرنگ کے نتیجے میں پاک فوج کے ایک جوان نے جام شہادت نوش کرلیا ہے۔ جام شہادت نوش کرنے والے 36 سالہ حوالدار گل امیر کا تعلق لکی مروت سے تھا۔
آئی ایس پی آر کے مطابق دہشت گردی کے واقعے پر پاک فوج کی جانب سے فوری طور پر جوابی کارروائی کی گئی۔ پاک فوج کی جوابی فائرنگ سے ایک دہشت گرد ہلاک جب کہ تین زخمی ہوگئے ہیں۔
Short Link
Copied
