paksahafat پاک صحافت
Related Articles
اسلام آباد (پاک صحافت) وزیر خارجہ بلاول بھٹو کا کہنا ہے کہ پاکستان کشمیریوں کے حق خود ارادیت کی حمایت جاری رکھے گا۔
تفصیلات کے مطابق وزیر خارجہ بلاول بھٹو نے جموں و کشمیر پر بھارتی تسلط کے خلاف کشمیریوں کے یوم سیاہ پر پیغام جاری کرتے ہوئے کہا ہے کہ 27 اکتوبر1947ء تاریخ کا ایک سیاہ ترین دن ہے، انسانیت شرمندہ ہے۔ 75 سال قبل آج کے دن بھارت دنیا میں بدترین غاصب اور استعماری ملک بن کر سامنے آیا۔
وزیر خارجہ بلاول بھٹو کا مزید کہنا ہے کہ مقبوضہ کشمیر میں انسانیت سوز مظالم کا قصہ گزشتہ 75 سالوں کے ہر دن اور ہر گھڑی پر پھیلا ہوا ہے۔ دنیا کا سب سے بڑا جیل بنانے کے بعد بھارت اب مقبوضہ کشمیر کو سب سے بڑا قبرستان بنانے پر تلا ہوا ہے۔ بھارت 75 سال ظلم اور جبر کے پھاڑ ڈھانے کے باوجود کشمیریوں کی تحریکِ آزادی کو دبانے میں ناکام ہوچکا ہے۔ انہوں نے کہا کہ ایک لاکھ کشمیریوں کے قتل اور ہزاروں جبری گمشدگیوں کے باوجود کشمیری عوام کے جذبہ حریت میں کمی نہیں آئی، دنیا مقبوضہ کشمیر میں جاری انسانی حقوق کی سنگین پائمالی کو روکے، عالمی برادری کشمیریوں سے کیا گیا استصواب رائے کا اپنا وعدہ پورا کرے۔
