paksahafat پاک صحافت
Related Articles
اسلام آباد(پاک صحافت)پاکستانی دفتر خارجہ نے سکھ یاتریوں کے پاکستان زیارت کے لیے آنے کے حوالے سے ہندوستانی بیان کو مسترد کرتے ہوئے کہا ہے کہ انہیں پاکستان آنے پر پوری طرح سے سہولیات فراہم کی گئیں،ہندوستانی وزارت داخلہ نے ایک خط میں سکھوں کو اس سفر کی اجازت دینے سے انکار کر دیا تھا تھا۔
ذرائع کے مطابق دفتر خارجہ کے ترجمان زاہد حفیظ چوہدری نے ہفتہ وار میڈیا بریفنگ میں کہا کہ پاکستان، بھارت سمیت دنیا بھر سے سکھ یاتریوں کو زیادہ سے زیادہ سہولیات فراہم کرتا ہے۔ہندوستان نے ساکا ننکانہ صاحب کی 100 ویں سالگرہ کے موقع پر 18 سے 25 فروری تک پاکستان جانے کا ارادہ کرنے والے 600 کے قریب سکھوں کو اجازت نہیں دی تھی، توقع کی جارہی تھی کہ اس گروپ کو پاکستان میں پانچ گردواروں کا دورہ کرنا تھا۔
مزید پڑھیں: چین نے ہانگ کانگ سے متعلق ڈونلڈ ٹرمپ کے نئے قانون کو مسترد کردیا
ہندوستانی وزارت داخلہ نے ایک خط میں سکھوں کو اس سفر کی اجازت دینے سے انکار کر دیا تھا تھا جس میں کہا گیا تھا کہ ‘پاکستان میں صحت کے بنیادی ڈھانچے کی گنجائش’ کو مدنظر رکھتے ہوئے وہ اتنے بڑے گروہ کو ایک ہفتے تک ملک کا دورہ کرنے کی اجازت نہیں دے سکتے۔
ہندوستانی وزارت داخلہ نے بھی اس گروپ کی ‘حفاظت’ کے بارے میں خدشات کا اظہار کیا تھا اور اسے ‘کافی خطرہ’ قرار دیا تھا۔زاہد حفیظ چوہدری نے یاد دلایا کہ سکھ یاتریوں کی سہولت کے لیے پاکستان نے کرتارپور صاحب میں سب سے بڑا اور سب سے پُرسکون سکھ مقبرہ کھولا تھا، انہوں نے کہا کہ سکھوں کے ساتھ ساتھ بین الاقوامی برادری جس میں اقوام متحدہ کے سیکریٹری جنرل انتونیو گوتریس بھی شامل ہیں، نے کرتار پور کا دورہ کرتے ہوئے اسے ‘امید کی راہداری’ قرار دیا تھا اور پاکستان کے اس تاریخی اقدام کی بے حد تعریف کی۔
انہوں نے مزید کہا کہ سکھ برادری کرتارپور صاحب راہداری منصوبے کو ریکارڈ وقت میں مکمل کرنے اور یاتریوں کی سہولت کے لیے کیے گئے بہترین انتظامات پر حکومت پاکستان کی کوششوں کو خاص طور پر سراہتی ہے۔ترجمان نے کہا کہ ہندوستان کو بھی سکھ یاتریوں کو پاکستان میں ان کے مذہبی مقامات کے دورے کے لیے سہولت فراہم کرنی چاہیے۔
