paksahafat پاک صحافت
Related Articles
نارووال (پاک صحافت) احسن اقبال کا کہنا ہے کہ پاکستان توپ گولا سے نہیں بلکہ ووٹ کی طاقت سے حاصل کیا گیا۔ آج بھی ملکی تعمیر و ترقی کے لئے ووٹ کو عزت دینا ہوگی۔
تفصیلات کے مطابق مسلم لیگ ن کے رہنما احسن اقبال نے نارووال میں ایک تقریب سے خطاب کرتے ہوئے کہا ہے کہ مہنگائی اور بے روزگاری سمیت دیگر متعدد مسائل کی چکی میں پسنے والی پاکستانی قوم اپنی آزادی کا جشن بھرپور انداز میں منارہی ہے۔ عمران خان وزیراعظم نہیں بلکہ سلیکٹڈ کٹھ پتلی ہے جس کی ملک کے اندر اور باہر کوئی اہمیت و حیثیت نہیں ہے۔
رہنما ن لیگ احسن اقبال کا مزید کہنا تھا کہ ووٹ کی طاقت مضبوط ہوگی تو پاکستان مستحکم ہو گا، اگر اس ملک کو مضبوط اور خوشحال پاکستان بنانا چاہتے ہیں تو غریب کے ووٹ کو عزت دینا ہوگی۔ انہوں نے کہا کہ ارباب اختیار کو پیغام دینا چاہتا ہوں یہ وقت پاکستان کو تقسیم کرنے کا نہیں پوری قوم کو اکٹھا کرنے کا وقت ہے، ہمارے ملک کے اندر آگ لگی ہوئی ہے۔
