paksahafat پاک صحافت
Related Articles
اسلام آباد (پاک صحافت) وفاقی کابینہ نے ملک میں امن و امان کی صورتحال پر کسی قسم کا سمجھوتہ نہ کرنے کے عزم کا اظہار کیا ہے۔
تفصیلات کے مطابق وزیراعظم شہباز شریف کی زیر صدارت وفاقی کابینہ کا اجلاس ہوا، جس میں دہشت گردی کے واقعات میں شہید افراد کے لیے فاتحہ خوانی کی گئی۔ وفاقی کابینہ نے ملک میں دہشت گردی کے حالیہ واقعات کی شدید مذمت کی اور ملک میں امن و امان کی صورتحال پر کسی قسم کا سمجھوتہ نہ کرنے کے عزم کا اظہار کیا۔
ذرائع کے مطابق وفاقی کابینہ نے فیصلہ کیا کہ دہشت گردی کے عفریت کو جڑ سے ختم کردیا جائے گا۔ کابینہ نے دہشت گردی کے خلاف مسلسل جدوجہد پر سیکیورٹی فورسز کو خراج تحسین پیش کیا۔ وفاقی کابینہ نے سینئر پارلیمنٹرین چوہدری اشرف کی 53 سال پرانے کیس میں گرفتاری پر افسوس کا اظہار بھی کیا۔
Short Link
Copied
