paksahafat پاک صحافت
Related Articles
لاڑکانہ (پاک صحافت) صوبائی وزیر آبپاشی سندھ کا کہنا ہے کہ وفاقی حکومت سندھی کاشتکاروں کا معاشی قتل بند کرے اور سندھ کو اس کی ضرورت کے مطابق پانی فراہم کیا جائے۔
تفصیلات کے مطابق وزیر آبپاشی سندھ سہیل انور سیال نے پریس کانفرنس سے خطاب کرتے ہوئے کہا ہے کہ وفاق زرعی پانی کی مصنوعی قلت پیدا کرکے سندھ کے کاشتکاروں کا معاشی طور پر قتل کررہا ہے۔ انہوں نے اس تاثر کو غلط قرار دیا ہے کہ سندھ میں بااثر افراد کو پانی فراہم کیا جا رہا ہے۔
صوبائی وزیر آبپاشی سہیل انور سیال کا مزید کہنا تھا کہ گڈو بیراج پر اس وقت زرعی پانی کی مقدار میں 27 سے 40 فیصد کمی کا سامنا ہے جبکہ گڈو بیراج سے بدین تک پانی پہنچنے میں 13 دن لگتے ہیں۔ ارسا غلط اعداد و شمار پیش کرکے عوام کو گمراہ کرنا بند کرے۔
Short Link
Copied
