paksahafat پاک صحافت
Related Articles
اسلام آباد (پاک صحافت) وزیر اعظم شہباز شریف اور سابق صدر مملکت و پیپلز پارٹی کے شریک چیئرمین آصف علی کے درمیان اسلام آباد میں خصوصی ملاقات ہوئی، ملاقات کے دوران ملک کی سیاسی صورت حال سمیت اہم امور پر تبادلہ خیال کیا گیا۔
تفصیلات کے مطابق وزیر اعظم سے آصف زرداری نے ملاقات کی جس میں سیاسی صورت حال پر تبادلہ خیال کیا گیا۔ ملاقات میں وفاقی وزیر بلاول بھٹو زرداری، وفاقی وزیر دفاع خواجہ آصف اور وفاقی وزیر ریلوے خواجہ سعد رفیق نے شرکت کی۔ اس موقع پر وزیر اعظم نے کہا کہ آئین کی بالادستی اور جمہوری عمل کا تسلسل ہی ملکی ترقی کا راز ہے۔
واضح رہے کہ ملاقات میں ملک میں جمہوریت کے استحکام اور سماجی فلاح و بہبود کو یقینی بنانے کے لیے تمام سیاسی جماعتوں کے ساتھ ملکر کام کرنے پر اتفاق ہوا۔وزیر اعظم نے بلاول بھٹو زرداری کو وفاقی وزیر کے طور پر حلف لینے پر مبارکباد دی اور اس عزم کا اظہار کیا کہ باہمی تعاون سے جلد ملک کو درپیش چیلنجز پر قابو پا لیا جائے گا۔
