paksahafat پاک صحافت
Related Articles
لاہور (پاک صحافت) وزیراعظم کے قریبی ساتھی پر انڈوں سے حملہ کیا گیا ہے۔ ایک شخص نے لاہور ہائیکورٹ کے احاطے میں وزیراعظم کے معاون خصوصی برائے سیاسی امور شہباز گل پر انڈوں سے حملہ کیا ہے جبکہ ان پر سیاہی بھی پھینکی گئی ہے۔
تفصیلات کے مطابق شہباز گل ایک کیس میں پیشی کے لئے جب لاہور ہائیکورٹ پہنچے تو وہاں پہلے سے موجود افراد میں سے ایک نے ان پر انڈے برسائے جن میں سے دو انڈے ان پر لگے۔ ہائیکورٹ کے احاطے میں موجود ایک اور شخص نے ان پر سیاہی پھینکی جو ان کے ہاتھ اور ماتھے پر لگی۔ ذرائع کے مطابق انڈے مارنے اور سیاہی پھینکنے والے افراد کو مسلم لیگ ن کے کارکن بتایا جارہا ہے۔
دوسری جانب ہائیکورٹ کے احاطے میں وزیراعظم کے معاون خصوصی شہباز گل کے ساتھ موجود پی ٹی آئی کارکنوں نے حملہ آور کو زد و کوب کرکے تشدد کا نشانہ بنانے کے بعد پولیس کے حوالے کیا ہے۔ پولیس حملہ آور سے مزید تحقیقات کررہی ہے۔
