paksahafat پاک صحافت
Related Articles
اسلام آباد (پاک صحافت) وزیراعظم نے نئے مالی سال کے دوران تعلیمی بجٹ میں کمی اور کٹوتی نہ کرنے کی ہدایات جاری کردی ہیں، ہائیر ایجوکیشن کمیشن کو بحال کرنے کی بھی ہدایت۔
تفصیلات کے مطابق وزیراعظم شہباز شریف نے ہدایت جاری کی ہے کہ ہائیر ایجوکیشن کمیشن کو ن لیگ کے سابق دور کی طرز پر فعال بنایا جائے۔ اس حوالے سے وزارت منصوبہ بندی اور خزانہ کو ہدایات جاری کی گئیں۔ اساتذہ اور طالب علموں کو ہر ممکن سہولیات فراہم کی جائیں۔
وزیراعظم شہباز شریف نے مزید کہا ہے کہ ملک بھر کی یونیورسٹیوں میں تعلیمی پراجیکٹس کی بحالی پر توجہ مرکوز کی جائے، اعلیٰ تعلیم کو عالمی معیار پر استوار کرتے ہوئے پروگرامز کی تعداد میں اضافہ کیا جائے۔ انہوں نے کہا کہ ہائیر ایجوکیشن کمیشن کے بجٹ میں کٹوتی نہ کرنے اور وسائل میں خاطر خواہ اضافہ کرنے کی ہدایت جاری کی۔
Short Link
Copied
