paksahafat پاک صحافت
Related Articles
اسلام آباد (پاک صحافت) وزیراعظم شہباز شریف نے منصب سنبھاتے ہی ملک و عوام کو درپیش مسائل حل کرنے کے لئے کمر کس لی ہے، مہنگائی اور بے روزگاری پر قابو پانے کے لئے معاشی ماہرین کا ہنگامی اجلاس بھی طلب کرلیا ہے۔
تفصیلات کے مطابق وزیراعظم شہباز شریف نے آج معاشی ماہرین کا ہنگامی اجلاس طلب کرلیا ہے جس میں نامور معاشی ماہرین شرکت کریں گے۔ اجلاس میں ملک کو درپیش موجودہ سنگین معاشی صورت حال پر تفصیلی غور ہوگا اور معاشی ماہرین کی آراء کی روشنی میں معاشی اور مالیاتی اقدامات کے بارے میں اہم فیصلے کیے جائیں گے۔
ذرائع کے مطابق وزیراعظم شہباز شریف ملک کی موجودہ معاشی صورت حال، خساروں اور قومی بیلنس شیٹ کے حقائق سے آگاہی حاصل کریں گے۔ دوسری جانب وزیراعظم شہباز شریف کی جانب سے کیے جانے والے عوامی ریلیف کے اعلانات پر عملدرآمد کا آغاز کردیا گیا ہے۔
Short Link
Copied
