paksahafat پاک صحافت
Related Articles
لاہور (پاک صحافت) مسلم لیگ ن کے رہنما اور سابق وزیراعظم شاہد خاقان عباسی نے کہا ہے کہ نیب چیئرمین پی ٹی آئی حکومت کو بچانے کیلئے ہمیں ڈرانے اور دھمکانے سے باز آجائیں۔ ایسے اوچھے ہتھکنڈوں سے حکومت مخالف تحریک کو کسی بھی صورت کمزور نہیں کیا جاسکتا ہے۔
تفصیلات کے مطابق شاہد خاقان عباسی نے پریس کانفرنس سے خطاب کرتے ہوئے نیب کی جانب سے مریم نواز کے خلاف لاہور ہائیکورٹ میں ضمانت منسوخی کی درخواست کا مقصد ان کی زبان بندی قرار دیا ہے۔ نیب چیئرمین اس طرح مسلم لیگ ن کے رہنماوں کو ہراساں کرنے کی کوشش کررہے ہیں۔ انہوں نے اس امید کا اظہار کیا ہے کہ نیب کے اس اقدام پر عدالت چیئرمین نیب پر جرمانہ عائد کرے گی۔
شاہد خاقان عباسی کا مزید کہنا تھا کہ نیب ایک قومی ادارہ ہے جبکہ اس کا چیئرمین ادارے کو تباہ کررہے ہیں اور انہیں یہ بات کبھی نہیں بھولنی چاہئے کہ ایک دن اس کا بھی احتساب ہوگا۔
