paksahafat پاک صحافت
Related Articles
لاہور (پاک صحافت) ملک احمد خان کا کہنا ہے کہ نگراں وزیراعلی پنجاب کا معاملہ پارلیمانی کمیٹی حل نہ کرسکی اب فیصلہ الیکشن کمیشن کرے گا۔
تفصیلات کے مطابق مسلم لیگ ن کے رہنما ملک احمد خان نے کہا ہے کہ بدقسمتی سے سیاسی سطح پر معاملات طے نہیں ہوسکے جس کی وجہ سے معاملہ اب الیکشن کمیشن میں جائے گا لیکن نگران وزیراعلی کی تعیناتی کے معاملے سے عدالتوں کا کوئی لینا دینا نہیں ہے، اپوزیشن کی جانب سے نگران وزیراعلی کے لیے نہایت مناسب نام دیئے گئے تھے۔
ملک احمد خان کا مزید کہنا تھا کہ اس عہدے کے لیے احد چیمہ سے زیادہ کوئی اہل نہیں ہوسکتا، وہ بہترین انداز میں الیکشن کروا سکتے ہیں، محسن نقوی بھی قابل شخص ہیں۔ پیپلزپارٹی کے رہنما حسن مرتضی کا کہنا تھا کہ کچھ لوگوں کا خیال ہے کہ وہی ایماندار اور سچے ہیں، جب ہاوس چھوٹا تھا تو لوگ بڑے تھے، اب ہاوس بڑا ہوگیا ہے اور لوگ چھوٹے ہوگئے ہیں۔
