paksahafat پاک صحافت
Related Articles
لاہور (پاک صحافت) مریم نواز کا کہنا ہے کہ نواز شریف نے ملک بھر میں موجود دہشت گردی کے خلاف قومی بیانیہ تشکیل دے کر قوم کو متحد کیا اور دہشت گردی کو ختم کرنے میں اہم کردار ادا کیا۔
تفصیلات کے مطابق امریکی ناظم الامور کے ساتھ ملاقات میں گفتگو کرتے ہوئے مسلم لیگ ن کی نائب صدر مریم نواز نے کہا ہے کہ افغان عوام، خواتین، بچوں کیلئے امن، ترقی، خوشحالی کے خواہاں ہیں، افغانستان کے عوام کی انسانی مدد کیلئے پوری دنیا کو کردار ادا کرنا ہوگا، ایسی سازگار فضاء ضروری ہے جس میں افغان مہاجرین گھروں کو لوٹ سکیں۔ ن لیگ جمہوری ترقی اور سلامتی پر مبنی ایجنڈے کے فروغ پر یقین رکھتی ہے۔
مریم نواز کا اپنی گفتگو میں مزید کہنا تھا کہ جمہوریت، جمہوری اصولوں کی نشوونما اور مضبوطی چاہتے ہیں، دنیا بھر کے جمہوریت پسندوں کے ساتھ شریک کار ہونا چاہتے ہیں۔ ن لیگ حکومت نے تمام ممالک سے خوشگوار تعلقات کو فروغ دیا تھا، پاکستان نے دہشت گردی کے خلاف عظیم قربانیاں دی ہیں۔ انہوں نے کہا کہ نواز شریف نے دہشت گردی کے خلاف قومی بیانیہ تشکیل دیا اور پوری قوم کو دہشت گردی کے خلاف متحد کیا۔
