paksahafat پاک صحافت
Related Articles
اسلام آباد (پاک صحافت) شازیہ مری کا کہنا ہے کہ بیگم نصرت بھٹو نے بہادری سے شہید بھٹو کا مشن آگے بڑھایا۔
تفصیلات کے مطابق پیپلزپارٹی کی رہنما اور وفاقی وزیر شازیہ مری نے مادر جمہوریت نصرت بھٹو کی 11 ویں برسی کے موقع پر اپنے ایک پیغام میں کہا ہے کہ آج مادر جمہوریت نصرت بھٹو کی برسی پر انہیں جمہوریت اور آئین کی بالادستی کیلئے جدوجہد پرخراج عقیدت پیش کرتے ہیں۔
شازیہ مری کا مزید کہنا ہے کہ بیگم نصرت بھٹو شہید ذوالفقار علی بھٹو کے سیاسی سفر میں ہر قدم پر ان کے ساتھ رہیں، مادر جمہوریت نے آمریت کے دور کی صعوبتیں برداشت کی اور قائد عوام کی پارٹی کو زندہ بھی رکھا۔ انہوں نے کہا کہ نصرت بھٹو نے بہادری سے شہید بھٹو کا مشن آگے بڑھایا اور آمروں سے مقابلہ کیا، نصرت بھٹو کی جدوجہد پوری قوم کے لیے ایک روشن شمع کی مانند ہے جو تاریک راہوں کو منور کرتی رہے گی۔
Short Link
Copied
