paksahafat پاک صحافت
Related Articles
شمالی وزیرستان (پاک صحافت) میرانشاہ میں دہشت گرد نے خودکش حملہ کیا ہے جس کے نتیجے میں سیکیورٹی اہلکاروں سمیت 13 افراد زخمی ہوگئے۔
تفصیلات کے مطابق خودکش حملہ آور نے دتہ خیل روڈ پر سراج فلنگ سٹیشن کے قریب خود کو اڑا لیا ہے۔ پولیس کا کہنا ہے کہ خودکش حملہ آور موٹر سائیکل پر سوار تھا جس نے سیکیورٹی فورسز کے قافلے کو نشانہ بنایا۔ پولیس کے مطابق زخمیوں میں 9 سیکیورٹی اہلکار اور 4 عام شہری شامل ہیں۔
یاد رہے کہ گزشتہ کئی ہفتوں سے دہشت گردانہ واقعات میں آئے روز اضافہ ہورہا ہے۔ دہشت گردوں کی جانب سے سیکیورٹی فورسز کو نشانہ بنانا ایک بار پھر روز کا معمول بن چکا ہے۔ دوسری جانب دہشت گرد تنظیم ٹی ٹی پی ایک بار پھر پاکستان میں اپنے جنگجووں کو منظم کرنے میں مصروف ہے۔
Short Link
Copied
