paksahafat پاک صحافت
Related Articles
لاہور (پاک صحافت) جماعت اسلامی کے امیر سراج الحق کاکہنا ہے کہ ملک کے عوام جھوٹے حکمرانوں سے تنگ آچکے ہیں، ملک میں مہنگائی، بے روزگاری نے غریب عوام کا جینا دوبھر کردیا ہے۔ سراج الحق کا کہنا ہے کہ حکمران غریب عوام کو مہنگائی اور بیروزگاری کے تلے کچلنا چاہتے ہیں۔
تفصیلات کے مطابق جماعت اسلامی کے امیر سراج الحق نے جاری بیان میں کہا کہ لوگوں کو پیسے دیکر جلسے اور ریلیاں نکالی جارہی ہیں، جلسے، جلوسوں میں سرکاری وسائل کا بلا دریغ استعمال کیا جارہا ہے۔ہم حکمرانوں کو اپنی من مانی نہیں کرنے دیں گے اب ملک کے عوام حکمرانوں سے حساب مانگ رہے ہیں، ملکی وسائل لوٹنے والوں کو حساب تو دینا ہوگا اور قوم حساب لے گی۔
واضح رہے کہ سراج الحق نے مزید کہا کہ اب امریکا نواز حکمران اور سیاست دانوں کا ملک میں کوئی کام نہیں، افغانستان سے ہم نے امریکا کو نکالا اب امریکا نواز پالیسیاں پاکستان سے ختم کریں گے۔کئی کئی بار ان بڑی پارٹیوں نے حکومت کی لیکن غریب عوام کی حالت نہیں بدلی، یہ حکمران غریب عوام کو مہنگائی اور بیروزگاری کے تلے کچلنا چاہتے ہیں۔
