paksahafat پاک صحافت
Related Articles
لاہور (پاک صحافت) راجہ پرویز اشرف کا کہنا ہے کہ پاکستان کو آئی ایم ایف کا باجگزار بنانے والے حکمرانوں کو گھر بھیجے بغیر ملکی تعمیر و ترقی ممکن نہیں ہے۔
تفصیلات کے مطابق سابق وزیراعظم اور پیپلزپارٹی کے رہنما راجہ پرویز اشرف نے بڑھتی ہوئی مہنگائی پر تشویش کا اظہار کرتے ہوئے کہا ہے کہ مہنگی بجلی و گیس کے خلاف آج بعد نماز جمعہ وسطی پنجاب سمیت ملک بھر میں احتجاج ہوگا۔ تمام جیالے پریس کلبوں کے باہر پہنچ کر اپنا احتجاج ریکارڈ کرائیں۔
راجہ پرویز اشرف کا مزید کہنا ہے کہ گزشتہ ہفتے بجلی پونے 5 روپے یونٹ مہنگی کرنے کے بعد آج مزید ایک روپیہ مہنگی کر دی گئی ہے۔ یہ عوام کو زندہ درگور کرنے کے درپے ہیں، ملک کو آئی ایم ایف کا باجگزار بنانے والے حکمرانوں سے جان چھڑانے تک جدوجہد جاری رہے گی۔
Short Link
Copied
