paksahafat پاک صحافت
Related Articles
اسلام آباد (پاک صحافت) پاکستان پیپلز پارٹی کی مرکزی رہنما سینیٹر شیری رحمان نے کہا ہے کہ پولرائزیشن اور ملک کی تقسیم نے ہمیں کہیں کا نہیں چھوڑا، ملک چلانے کے لیے آئین اور پارلیمنٹ کے تحت راہ ڈھونڈنی ہوگی۔ شیری رحمان کا کہنا ہے کہ ٹی ٹی پی اعلان سے ملکی سیکیورٹی سے متعلق چیلنجز بڑھ رہے ہیں۔
تفصیلات کے مطابق پیپلز پارٹی کی نائب صدر سینیٹر شیری رحمان نے ٹوئٹر پر جاری بیان میں ٹی ٹی پی کی طرف سے یکم رمضان المبارک سے ملک میں دہشتگرد کارروائیوں کے اعلان پر مذمت کا اظہار کیا ہے۔ خیال رہے کہ شیری رحمان نے اپنے ٹوئٹر پیغام میں ٹی ٹی پی کی سیکیورٹی اداروں پر دہشتگرد حملوں کے اعلامیے کی کاپی بھی شیئر کردی ہے۔
واضح رہے کہ ٹی ٹی پی کی جانب سے سیکیورٹی اداروں پر دہشتگرد حملوں کا اعلامیہ جاری کیا گیا ہے ۔ جس پر اپوزیشن سمیت تمام سیاسی رہنماؤں کی جانب سے مذمت کی جارہی ہے۔ شیری رحمان کا کہنا ہے کہ ٹی ٹی پی اعلان سے ملکی سیکیورٹی سے متعلق چیلنجز بڑھ رہے ہیں۔
